Engeli abaabi bagabanye e Naguru

Aba Drone Media bakakasizza nti ettaka ly’e Naguru lyaweebwa abantu engeri Abazungu gye baagabanyaamu Afrika. Kino kyali kya scramble na kugabanya Naguru!

Okusinziira ku maapu y’okunoonyereza okuva mu minisitule y’ebyettaka, kkampuni 20 ze zagabana ettaka ly’e Naguru era kkampuni zino za baminisita, abakungu ba gavumenti nga kwogasse ne wiigi ennene eza palamenti.

Omukutu guno guzudde nti mu bantu abaagabanya ettaka ly’e Naguru mulimu omu Joseph Ariong, nga yeeyoleka bulungi nti ateeberezebwa okuba n’obufere. Tabalibwa mu bagagga abayanjudde kkampuni zaabwe mu kavuyo n’okugabanya, wabula kigambibwa nti yafuna poloti bbiri buli emu nga ya yiika 0.85. Ariong agamba nti ye nnannyini kkampuni ya Gash and Wash, kyokka amawulire agaatuuse ku mukutu gwa The Drone Media galaga nti ye maneja wa wooteeri eya wiigi ennene mu palamenti.

Kino kiraga nti abakuuma ebintu bya Uganda be bantu be bamu ababibba. Eno y’engeri omunyago gye gwagabanyizibwamu:

Kkampuni ya Roko Construction yafunye yiika 2.4 ate kkampuni ya M/S Master Links n’efuna yiika 3,0. Phaneroo, ono ye Paasita Grace Lubega, kigambibwa, musajja wa Katonda, yafuna yiika 4.0. Arab Oil yafunye yiika 4.0 ate Sudhir Ruparelia’s Meera Investiments n’efuna yiika 3.0.

Kati, mu kusooka ettaka lino lyali lirina okuweebwa amalwaliro n’ebintu ebirala ebimu ebya gavumenti, y’ensonga lwaki eno M/S Medicine of Virginia Hospital yafuna yiika 15 ate Heart institutes ne zifuna yiika 10.

Oluvannyuma lw’ebyobulamu okufuna emigabo gyabyo, okugabanyaamu kwagenda mu maaso. Kkampuni emanyiddwa nga FAKHRUDDIN yafunye yiika 1.42. Oyo Omuasia kirowoozebwa nti yayimirira mu kifo ky’omukungu wa gavumenti.

EACOM yafunye yiika 0.3 ate Global n’efuna yiika 0,60 ate Wash ne Gash ne bafuna yiika 0,85 buli omu. Kkampuni ya Rudra Hardware and Tools Ltd yafunye yiika 4.0; Kkampuni ya Dembe Trading Enterprises U Ltd yafunye yiika 3.0; Dominion yafunye yiika 1.0; ate kkampuni ya Ntinda Wholesellers yafuna yiika 2.0.

Mwami Anil Damani yafuna yiika 3.0 ; M/S Dashen U Ltd nayo yafunye yiika 3.0. Kkampuni ya Seven Hills Apartments Ltd yafunye yiika 3,94 ate Naguru Infants School n’efuna yiika 1.0.
​